Oranje hou drie keer per jaar ’n redenaarskompetisie. Ouers is self verantwoordelik vir die skryf van toesprake. Ouers ontvang voorbeelde van hoe die toesprake moet lyk en vereistes waaraan dit moet voldoen. Temas is reeds in Oktober van die vorige jaar beskikbaar.

Met elke kompetisie word beoordelaars, wat nie aan die skool verbonde is nie, gebruik.
Tydens die eerste kompetisie kwalifiseer die eerste vier sprekers in elke afdeling (Grondslagfase en Intermedêre fase) om aan die ATKV-Redenaars kompetisie deel te neem.

Die Grondslagfase-redenaars is slegs vir gr. 2 tot gr. 3 leerders. Gr. 1’s het een geleenthied in die tweede kwartaal. Met hulle deelname kan hul na die OMS-redenaarsfinaal deurdring.

GF-leerders begin ongeveer twee weke voor die kompetisie hulle toesprake tydens pouse in die saal of klas oefen om gemaklik te raak met die idee om voor mense te praat.

Jaarliks word ook aan die ATKV-redenaars deelgeneem. Weens getalle mag slegs vier junior- en agt seniorspekers deelneem.

Twee leerders in gr. 6 en gr. 7 kan jaarliks aan die tweetaligheidsredenaars deelneem.

Leerders mag nie dieselfde toespraak by skoolredenaars-rondes gebruik nie. Leerders moet vir die uitdunrondes asook die eindronde drie verskillende toesprake lewer.

Daar vind ook Radikale Redenaars plaas wat poog om dinge so lekker, lig en informeel as moontlik te hou met die klem op aanmoediging en motivering, eerder as kritiek. Leerders neem in graadverband deel.

Redenaarshoof: Marteli Ross